🖋 კომუნიკაციების კომისიის მედიააკადემია 17 და 18 ივნისს მოქმედ ჟურნალისტებსა და ჟურნალისტიკის ფაკულტეტის სტუდენტებს ჟურნალისტ მაკა ანთიძის ტრენინგზე გიწვევთ. მაკა ანთიძე 25 წელი სააგენტო Reuters-ში მუშაობდა. ის იყო კავკასიის ბიუროს უფროსი კორესპონდენტი და აშუქებდა მოვლენებს, როგორც რეგიონის ქვეყნებში, ასევე მის ფარგლებს გარეთ, მათ შორის საომარ და საგანგებო მოვლენებს. ორი დღის განმავლობაში ტრენინგის მონაწილეები რეპორტინგისთვის, საგანგებო სიტუაციების, ბიზნესისა და ეკონომიკის გაშუქებისთვის საჭირო ცოდნას მიიღებენ. გარდა ამისა ტრენინგზე ინტერვიუს მომზადებისა და ჩაწერის ტექნიკას შეისწავლიან. ტრენინგი დაგეხმარებათ ჟურნალისტური საქმიანობითვის საჭირო უნარ ჩვევების გამომუშავებასა და საერთაშორისო აუდიტორიისთვის ამბის თხრობაში. ტრენინგი უფასოა და ითვალისწინებს კვებას. მონაწილეებს გადაეცემათ შესაბამისი სერტიფიკატები. ✉ თუ გსურს მონაწილეობა, გამოაგზავნე საკონტაქტო მონაცემები ელფოსტაზე: contact@mediaacademy.ge. განაცხადები მიიღება 15 ივნისის ჩათვლით. გთხოვთ გაითვალისწინოთ, რომ მსმენელთა რაოდენობა შეზღუდულია. მედიააკადემია მხოლოდ შერჩეულ კანდიდატებს დაუკავშირდება. 📍 ტრენინგი გაიმართება 2022 წლის 17-18 ივნისს მედიააკადემიის ოფისში (ქეთევან წამებულის გამზ. / ბოჭორმის ქ. 50/18), 10-დან 18 საათამდე.